Ambasada e Shqipërisë në Kosovë bashkë me ministrinë e Mbrojtjes së Shqipërisë dhe komunën e Prishtinës më 29 maj organizojnë koncertin “Melodia e lirisë” për të shënuar vitin e 25-vjetorit të çlirimit të Kosovës dhe 80-vjetorit të çlirimit të Shqipërisë.

Kështu ka bërë të ditur ambasadori Petrit Malaj i cili ka ftuar qytetarët për këtë mbrëmje magjike ku sipas tij, do ndjeni ritme të gjalla, melodi të mrekullueshme dhe emocione të forta, përcjell Arbresh.info.

Postimi i plotë:

Përshëndetje miq në Prishtinë e kudo në Kosovë!

Dëshiroj t’ju ftoj në një mbrëmje magjike ditën e mërkurë datë 29 maj 2024 ora 19.30 në Sheshin “Zahir Pajaziti” në Prishtinë. Ambasada e Republikës së Shqipërisë në Prishtinë me mbështetjen e Ministrisë së Mbrojtjes së Republikës së Shqipërisë dhe Komunës së Prishtinës organizojnë këtë event muzikor.

Në vitin e 80 vjetorit të çlirimit të Shqipërisë dhe 25 vjetorit të çlirimit të Kosovë Orkestra Frymore e Forcave të Armatosura të Republikës së Shqipërisë sjell këtë mbrëmje koncertin “Melodia e Lirisë” me shije muzikore kombëtare e ndërkombëtare.

Ejani në këtë mbrëmje magjike ku do ndjeni ritme të gjalla, melodi të mrekullueshme dhe emocione të forta!/Arbresh.info